23. Januara. 2020. Izdvojeno, Svijet

SZO o vanrednom stanju zbog koronavirusa

U sjedištu Svjetske zdravstvene organizacije u Ženevi danas je počeo sastanak eksperata, na kojem će odlučiti da li će SZO proglasiti globalno vanredno stanje zbog izbijanja epidemije novog koronavirusa, koji se širi iz Kine.

Nezavisni eksperti, njih 16, iz oblasti kontrole bolesti, virologije, epidemiologije i razvoja vakcina održavaju novi sastanak iza zatvorenih vrata, nakon što juče nisu uspjeli da donesu odluku, prenosi Rojters.

Svjetska zdravstvena organizacija (SZO) danas će odlučiti da li da proglasi globalno vanredno stanje zbog izbijanja epidemije novog koronavirusa koji se širi iz Kine.

Ukoliko se to dogodi, to će biti šesti put da se proglašava vanredna situacija na međunarodnom nivou tokom posljednje decenije, javio je sinoć Rojters.