Tajland: najmanje 16 ljudi ranjeno
23. Februar. 2014. u 2:43

Najmanje 16 ljudi je povrijeđeno od eksplozije bombe u antivladinim protestima u centru tajlandske prijestonice Bangkoku, rekli su bolnički zvaničnici. “Bomba je eksplodirala ispred velikog supermarketa u kvartu Račaprasong”, rekao je šef lokalne policije Paradorn Patanatbutr. Pristalice tajlandskog premijera Jingluk Šinavatre najavile su danas obračun sa antivladinim demonstrantima koji su paralizovali dijelove Bangkoka.
Na protestima u istočnoj provinciji Trat poginula je petogodišnja devojčica, a 40 ljudi je povrijeđeno. Do incidenta je došlo kad su dvojica napadača u pikap vozilima otvorila vatru na demonstrante koji su se okupili na trgu u gradu Kao Saming, oko 300 kilometara istočno od prijestonice.